Bases reguladoras da convocatoria pública de subvencións de comisións de festas de cedeira para o ano 2026.

Serán beneficiarias as Comisións de Festas con personalidade xurídica propia sen ánimo de lucro, para a realización de festas nas parroquias, que cumpran os seguintes requisitos:

Non contravir o regulado nos artigos 10 e 13 da Lei 38/2003 xeral de subvencións e Lei 9/2007, de subvencións de Galicia.

No caso de asociacións que foran beneficiarias de subvencións concedidas en anos anteriores polo Concello de Cedeira, deberán telas debidamente xustificadas.

Cumprir os requisitos da convocatoria.

Terceira. Forma, lugar, prazo e documentación da presentación de solicitudes. O prazo de presentación de solicitudes será de 15 días hábiles a contar dende o día seguinte da publicación do extracto da convocatoria no Boletín Oficial da Provincia, unha vez publicada a convocatoria na Base de Datos Nacionais de Subvencións.

As instancias presentaranse na sede electrónica do Concello de Cedeira (https://sede.cedeira.gal), de acordo co establecido nos artigos 14 e 16 da Lei 39/2015, de 1 de outubro, do procedemento administrativo común das administracións públicas e formalizarase mediante una solicitude xeral acompañada da seguinte documentación:

Solicitude de subvención (Anexo A), asinada pola Presidencia da comisión a cargo equivalente.

Declaración xurada da persoa asinante da solicitude sinalando se solicitou doutro organismo algunha subvención para a realización dos mesmos programas e actividades, a contía e si foron concedidas ou están pendentes de resolución. (Anexo A)el

Proxecto-memoria das actividades ou programa a realizar. (Anexo B)

Declaración responsable da persoa solicitante de non ter obrigas tributarias co Concello de Cedeira, nin coa Administración de Facenda ou Seguridade Social ou autorización para a súa comprobación por parte do persoal do concello Anexo A). Cando o importe subvencionado supere a contía de 3.000,00 € será necesario que se acredite a devandita situación de cumprimento coas obrigas tributarias e a Seguridade Social coa autorización a comprobación polo Concello destas circunstancias; sen prexuízo de que, no caso de que esta non se poida levar a cabo, se requira a presentación dos correspondentes certificados. A situación co Concello comprobarase de oficio.

Declaración responsable da persoa solicitante de non contravir o regulado nos artigo 13 e 10 da Lei 38/2003 xeral de subvencións e Lei 9/2007 de subvencións de Galicia (Anexo A)

Copia da póliza de responsabilidade civil en vigor acompañada do recibo de pago do ano en curso.

Certificado bancario do número de conta onde desexan que se lles ingrese o importe da subvención.

Fotocopia do CIF da comisión.

As subvencións faranse efectivas con cargo á aplicación orzamentaria 338.48900 por importe de 8.000,00 € para festas populares e festexos; repartirase a partes iguais entre as solicitudes presentadas e que cumpran os requisitos para obter a subvención, ata esgotar o crédito orzamentario.

O importe da subvención poderá acadar o 100 por 100 dos gastos propostos.